ШИНЭ ҮЙЛДВЭР БУУДАЙГАА ТЭЭРЭМДЛЭЭ

"Улаанбаатар Гурил"-ын үйлдвэрийн хамт олон их бүтээн байгуулалтыг өрнүүлж, Дарханд хамгийн сүүлийн үеийн техник, технологи бүхий гурилын үйлдвэрийг барьж байгаа тухай Та бүхэнд өмнө нь мэдээлж байсан билээ.

Дархан дахь Улаанбаатар Гурилын үйлдвэр нь 5 сарын 23 - 26 өдрүүдэд үйл ажиллагаагаа эхлүүлэн буудайгаа туршилтын шугамаар тээрэмдэж эхэлсэн, гурилын гарц сайн байгаа сайхан мэдээг Та бүхэндээ дуулгаж байна.


Тус үйлдвэр нь бүрэн автоматжсан бөгөөд үйлдвэрт орж байгаа буудай түүнээс тээрэмдэн гарч байгаа гурил, хивэг зэргийг удирдлагын дэлгэцэн дээр орц, гарцын мэдээ, график зэргээр харуулдаг. Энэ нь удирдлагын дэлгэцээс бүтээгдэхүүний тоон мэдээллүүдийг хүссэн үедээ авах бүрэн боломжтой гэсэн үг юм.  
Үйлдвэр ашиглалтанд орсноор дээдийн дээд, ширхэгтэй дээд, дээд, 1-р гурил, 2-р гурил, хүүхдийн будаа /каш/ зэрэг бүтээгдэхүүнүүдийг ард түмний өргөн хэрэгцээнд нийлүүлэх юм. 
Одоогийн байдлаар үйлдвэрийн тээрэмдэлт туршилт, тохируулгын хугацаандаа явж байгаа бөгөөд 6 сарын 15 өдрөөс эхлэн жигдрүүлэхээр төлөвлөн ажиллаж байна.